100 year old veteran was robbed and his house searched by robbers for for ordens. All the orden including - 3 Suhbaatar orden - Gold Star of Hero of Labour - Gavaytyn temdeg - Baildaany Gavyanii Ulaan Tugiin odon and so on Нүүр ? Өнөөдөр сонин ? 2006.12.13 ? Үйл явдлын мөрөөр ? from Mongolian newspaper "Today's news" (2006.12.13) Одонгийн дээрэм Д.ГАЛТ (2006.12.13) Улс орныхоо өмнө, ажил хөдөлмөртөө гавьяа байгуулсан хэн ч түүнийхээ төлөө одон, медалиар шагнуулдаг. Дээхнэ үед ажил хөдөлмөрөө жинхэнээр нь үнэлүүлж байж авдаг байсан одон, медалийг олгохдоо сүүлийн жилүүдэд жаахан хавтгайруулсан тал бий. Түүнээс болсон уу одон тэмдгийн үнэ хүнд ард олны дунд унаад байгаа. Нийгмээ дагаад бүх зүйл өөрчлөгдөж байгаа өнөө цагт төрийн шагнал урамшуулал хуучин хэвдээ байгаа тухай бишгүй нэг шүүмжилдэг. Тэглээ гээд шагналын журамд өөрчлөлт орсонгүй. Төрийн дээд шагнал, одон, медаль хийхэд үнэт металл, чулуу орсон гэдэг юм билээ. Гэхдээ тун бага. Хүн түүнийг авч ашиглаад байх юмгүй л харагддаг. Гэтэл олз омог хайсан, өлөн нүдтэй нэгний шүлсийг гоожуулдаг бололтой. Тиймээс ахмад буурлуудын маань сэтгэлээ тэжээж явдаг, гуутай бурхнаасаа ч илүү хайрлан нандигнадаг тэдгээр одон, медалийг хулгайлах, залилах сүүлдээ бүр гэгээн цагаан өдрөөр дээрэмддэг боллоо. Хоёр жилийн өмнө юм. Сэтгүүлчийн дүрд хувирсан дээрэмчид дэслэгч генерал Ц.Жамъянтай ярилцлага хийх нэрээр зоогийн газарт урьжээ. Хоёулаа явсан тэд генералтай ярилцаж суугаад нэг нь гараад явсан гэдэг. Гэтэл гарч явсан залуу генералынд очоод "Жамъян гуай Сүхбаатарын одонгууд аваад ир гэлээ. Зүүж байгаад зургаа авхуулах гэнэ" хэмээн худал хэлж гэрийнхнээс нь Сүхбаатарын гурван одонг нь залилан авсан юм. Одон медалиа хулгайд алдсан, залилуулсан хүмүүс өчнөөн бий. Үүнтэй төстэй бас нэг хэрэг уржигдар гарлаа. Монгол Улсын хилийн амьд түүх болсон, 100 насыг зооглоод байгаа дэслэгч генерал Б.Цэдэн-Ишийг мэдэхгүй хүн үгүй дээ. Эх орныхоо тусгаар тогтнол, хилийн дархан байдлын төлөө чөмгөө дундартал зүтгэсэн түүнийг өнгөрсөн зун Ерөнхийлөгчийн зарилгаар Хөдөлмөрийн баатар болгосон. 100 насны босго алхсан тэрбээр Ерөнхийлөгчөөс шагнал аваад, цэрэг эрийн ёсоор "Монгол Улсын төлөө зүтгэе" гээд зогсож байсан сан. Өвгөн генералын амьдралд зүсэм талхны нэмэр болдоггүй ч залуу халуун насных нь, хөдөлмөр зүтгэлийнх нь гэрч болсон одон, медалиудыг гэмт хэрэгтнүүд цөлмөв. Тэр өдөр ач охин нь өвөөгийндөө байж таарчээ. Хонх дуугарахаар "Хэн бэ?" гэвэл үл таних эмэгтэй айл асуугаад байж. Тэр хүн охины дууг сонсохгүй байгаа бололтой дахин дахин лавлаад байхаар нь гэнэ сэнэгүй охин хаалгаа тайлаад өгчээ. Гэтэл айл асуусан эмэгтэйн хажуугаар нүүрэндээ багтай хоёр залуу дайрч орж ирээд өвөөгийнх нь өрөөнд орж хамаг одон, тэмдгийг нь аваад арилжээ. Түүнд Сүхбаатарын гурван одон, Хөдөлмөрийн баатрын Алтан соёмбо, гавьяатын тэмдэг, Байлдааны гавьяаны улаан тугийн одон, ОХУ, гадаадын бусад орны одон, медаль байсан юм. Цагдаагийнхан гэмт хэрэгтнүүдийг эрэн сурвалжилж байна. Тэд дээрэмчдийг газрын гаваар орсон ч баривчилж өвгөн генералын одон, медалийг олж өгнө гэж байлаа.
